Refrain: 
Das isch de Gebel Blues 
Ond alli wössed mer chömed extrem drus.
Mer send wene eigni Gmeind  ond ...
Be eus lauft alles chogelrond!
S’isch wonderbar ond eifach guet!
...we de Ober und de Under Gebel zäme hebe tuet!

D’ Verbendig vo obe nach unde  isch kantonal wechtig!
D’ Beziehig fördere haltete me au national för sozial rechtig!
Drum sponseret is de Kanton e breiti  Brugg us Beton –
Für’s jöhrlich  Gebelfescht als neui Plattform!

Schofwulledecki, wetzigi Karikature , gsteileti,gfärbti super Frisure,
gschmedeti, gschweisseti Viecher us SchrottmetallAu d’Kunscht isch im Gebel presänt und zwar überall!

Mit 50’ i s’isch jo klar,
rasiert me  de Oberlippebart
Met 60’i isch de Bart denn au no furt
Ond de Gebelma präsentiert sis Gsecht jetzt füdliblutt!
.
.

Nach emene feine  Gebel Ässe
Cha mers grad am Buchumfang go mässe
Wägem gräuchte Späck, Chüeche ,Schöflichäs und Burebrot
Brucht jede schnell es wiiters Loch im Gort!
Me gseht Kulinarisch semmer au die Gröschte
Sogar d’Spanisch Nüssli tüemmer sälber röschte! 

Do osse wachsts ond gedeihts wonderprächtig
Ond die vele, vele Schöfli send emmer weder trächtig
De Gebel isch ebe speziell fruchtbar
Uf Fäld, Wese, im Huus  s’isch sonneklar
Gets denn au gwundli meh we eis
Ond  messe wötte mer ganz secher keis!

Gäge Ändi Woche chöme Gebel Manne ziitig
Hei, isch jo klar, well s' isch doch Friitig.
Ond setze denn bem Kari of em Mürli osse
fiirlich werdet Bierli deguschtiert und gnosse!
Mer zelebriere gärn die chliine Freudeli us em  Alltag....
Mer send es bsonders Volch, e ganz e bsondre Schlag!